حوار صحفي مع الڪاتبه الموهوبه/منه الله خيري

الأسم؟ 

منة الله خيري السيد "كاتبة الأمل " 

السن؟  

١٧ سنة " ثانوية عامة" أدبي 

المحافظه؟ 

محافظة/ سوهاج 

الموهبه؟ 

كاتبة خواطر 

شئ من كتاباتك؟ 

احتارت حروفي"  

احتارت حروفي ذات يومًا، فجلستُ في رُكن بعيد هادئ، أُفكر ماذا أكتب؟عن تلك الأيام القادمة فما ذنبي بأني أعيش هذه الحياة بطيبةِ قلبي وحُسن ظني بالناس، فتعلمت حينَ تألمت مِنها، فما فائدة أني أعيشُ هذه الحياة بطيبة قلبي وأنا أدفع ثمنُها غالٍ، وأنا أتألم من كل شخصٍ وكأني لُعبةً للتسلية لكل مُتنمر ومُستغل، فما أتفه العُمر إذا عشتُ بين بشر لا يعرفوا معنى جبر الخواطر، يحدفون كلماتهم كالسهم في قلوبنا، ولا يعرفوا أنها تجرحنا وتترك أثر لا يُنسينا ذلك الشعور الذي شعرنا به، نحن لا نرجو سوى خيرًا في أيامنا القادمة، عش الدنيا بكل حب لا العمر يبقي ولا حتى الأيام.  

بقلم/منة الله خيري السيد 

"كاتبة الأمل "

محافظة / سوهاج 

متى بدأتى كتابه؟ 

بدأت ليا 8 شهور كتبت خاطرة صغيرة عجبت الناس ولقيت دعم كبير من صحابي واستمريت في المجال كله بفضل ربنا. 

من الذى دعمك لتسيرى فى هذا الطريق لتصلى لما انتى عليه الآن؟ الداعم الأكبر ليا أسرتي و بنت عمتى و آمال ومنارمحمود وفاطمة احمد وباقي صحابي طبعًا احب اشكرهم جدًا على دعمهم ليا. 

ماهى إنجازات؟!

إنجازاتي، معايا ١١ شهادة الكتروني منهم وحدة المركز التاني ووحدة المركز التالت في مسابقة الارتجال الإسبوعية في مبادرة إبداع فكر ودرع إلكتروني مركز تانى في مسابقة الارتجال الإسبوعية في كيان صمت الحروف ، وفي اول كتابين ورقي مجمع ليا لسه بيجهزوا، انجازتي بسيطة بي فخورة بنفسي وان شاء الله هطور من نفسي وابقي كاتبة كبيرة بإذن الله بعد الثانوية العامة 

وماهى الكتب التى شاركتى فيها؟ اشتركت في تلات كتب إلكترونية وهم " إلى آليك، حكايات شهرذاد، ينقصني أنت " مع مبادرة إبداع فكر تحت إشراف ناريمان حسين  

هل سبق وانضممتى لكيانات او مبادرات؟ وماهم؟ 

انضممت لأول مبادرة وهي مبادرة إبداع فكر ، ومبادرة إنسجام، وأول كيان ليا كيان صمت الحروف  

نفسك توصلى لأيه فى مجالك؟ 

نفسي ابقي كاتبة كبيرة في المستقبل والكل يعرفني واطور من نفسي اكتر من كدا ونفسي ابقي حاجه كبيرة انفع بيها غيري قبل نفسي وان شاء الله بفضل ربنا هوصل لحلمي 

تعرضتى لموقف أحبطك فى مجالك؟ 

لا الحمد لله متعرضتش لمواقف زى كدا وبإذن الله مش هتعرضلها ابدًا، الحمد لله ناس كتير معجبة بكتابتي وبيحبوها جدًا 

رسالتك لكل شخص يمتلك هذة الموهبه او يمتلك موهبه أخرى؟

  رسالتي هي ان كل شخص بيمتلك اي موهبة اى ان كانت اية ، طور من نفسك فيها وهتوصل امسك في حلمك متخليهوش يضيع منك بمجرد كلام الناس ، خليك واثق ان اللى ربنا كاتبهولك هيكون من نصيبك وان ربنا كرمه لا يحصي ولا يعد لازم نتعب علشان نوصل نتعب، انت بتسعي وبتعافر ليه م علشان حلمك اللى انت بتخطط له من وانت صغير، متنساش كمان ان سر نجاحك وإيمانك قربك ربنا سبحانه وتعالى قرب من ربنا على قد ما تقدر وان شاء الله ربنا يوفقك ويكرمك وتحققي كل احلامك. 

رايك في كيان "صمت الحروف" بشكل عام عن كل حاجه فيه؟! 

كيان جميل جدًا وحبيتو بجد من اول م دخلت فى بجد حاجه عظمة وقمر وبحب اشكر المؤسسين اماني اشرف ودنيا الخباز وباقي الأدمن على مجهودهم الراقي الجميل وان شاء الله الكيان هيكبر اكتر واحنا سوا وايدينا في أيدين بعض ان شاء الله 

#جريدة_كيان_صمت_الحروف

مؤسسة:_دنيا الخباز"روح"

مؤسسه:_اماني اشرف "كاتبه المستقبل". 

تحت إشراف المحور والكاتبه:_

اماني اشرف_دنيا الخباز

والادمن المحرره والكاتبه:_

شيرين محمد ياسين.